يحتاج الشعر دائمًا لاستخدام الزيوت الطبيعية والمفيدة والمغذية له حتى يحافظ على حيويته وصحته، وقد تشعر بعض السيدات بمشكلة ما هو الزيت الجيد الذي يمكنني استخدامه لشعري ولا يحتوي على اي مواد ضارة
وهذا التساؤل نجيبكم عليه في مجلة كوني مميزة من خلال هذا المقال اليوم والذي سنقدم لكي فيه افضل انواع الزيوت الموجودة حاليًا والذي نال شهرة واسعة بين الكثير من السيدات بعد أن اثبت جودته
وسوف نتحدث عن تجربتي مع زيت براشوت الازرق وتجارب بعض المستخدمين له بالفيديو حتى يمكنك معرفة كل فوائده وكيفية استخدامه للحصول على افضل نتائج، فتابعي معنا المقال حتى تتعرفي على هذه التجارب ومشاهداتها.
تجربتي الاولى مع زيت براشوت الازرق
هتكلم عن زيت براشوت الهندي بجوز الهند الخام ومن فوائد زيت جوز الهند للشعر انه بينعمه ويتقله ويطوله ويرطبه وبيقلل الهيشان وبيعالج الشعر التالف من أي سبب خارجي، وهو حلو جدًا جدًا للشعر وتجربتي معاه انه رائع للترطيب بس اهم حاجة تستخدميه لفترة عشان تشوفي النتيجة
والفرق بين الاصلي والتقليد أن الاصلي بيتجمد في الشتاء دليل على انه خام والتقليد ريحته نفاذه جدااا والاصلي ريحته ضعيفه ولونه شبه الميه وهو سائل، ولازم تجبوه الاصلي عشان يعمل نتيجة على شعرك، ومتستخدمش على فروة الرأس تستخدميه على شعرك كله والاطراف بس.
تجربتي الثانية مع زيت براشوت الازرق
ده من الزيوت الهندية البيور جدًا واللي بتقدري تتأكدي منه من خلال انه بيتجمد في درجة الحرارة الباردة وريحته خفيفه، ومميز انه مفيش فيه أي شوائب أو مواد كيميائية أو غيرها، ونقطة واحدة بس من الزيت ده بتفرق فعلًا في الشعر، هو بيبقى شكله كريم في الاول لكن هو زيت فعلًا
وبقدر استخدمه على بشرتي عادي لانه بيتشرب بسرعة جدًا وحتى بدهن بيه وشي، واوقات بخلطه مع زيت اللوز الحلو عشان يدخل في مسام الشعر ومسام البشرة بسرعة ويكون في ترطيب اعلى، وميزته انه بيقعد فترة طويلة لأن كميه صغيرة منه بتفرق وميزة زيت براشوت الازرق يطول الشعر كمان.
تجربتي الثالثة مع زيت باراشوت الازرق
زيت باراشوت الازرق من افضل الزيوت للشعر الجاف وكمان مناسب لكل انواع الشعر وهو ملمسه خفيف على الشعر فبيرطب الشعر وبيكون لامع من غير اي دهون زيادة على الشعر، ومناسب كمان للاستخدام للاطفال، المفاجأة انه ممكن تستخدميه على الوجه للحماية من التجاعيد أو ازالة المكياج
و زيت جوز الهند الاصلي بستخدمه اني اخليه على حمام ميه ساخنه عشان يسيح واقدر استخدمه زي ما احب، ولازم تتأكدي انه الاصلي مش التقليد وتشتريه من مكان موثوق وهو سعره في مصر بيبدأ من 150 جنيه تقريبًا.
تجربتي الرابعة مع زيت باراشوت الازرق
عشان تعرفي زيت جوز الهند الازرق الاصلي هاقولك تجربتي مع النوع التقليد والاصلي منه، لاني اشتريت نوع لون العلبة ذهبي ولكن مكنش كدة ومقدرتش استمر عليه لان نتيجته كانت وحشه جدًا وكان شعري بقى أسوأ، وهاقولك افضل طريقة تستخدميه بيها عشان توصلي لافضل نتيجة
وزيت جوز هند ازرق هو الاصلي وبينفع للشعر والجسم والبشرة، وممكن تستخدميه بالطريقة الاولى وهو كحمام زيت في انه يكون دافئ واضيفه على شعري ولمدة نصف ساعة وبعد كدة يتغسل وبيشيل القشرة وبيخلي الشعر ناعم جدًا
اما الطريقة التانية، انه يستخدم على شعر مبلل بسيط وبضيفه على الشعر وبسيبه، ولازم نستخدمه على شعر رطب، وممكن تستخدميه لترطيب الجسم بعد الواكس أو السويت عشان تكون بشرتك ناعمة.
تجربتي الخامسة مع زيت براشوت الازرق
مكنتش استخدمت زيت براشوت الازرق قبل كدة لكن استخدمته من قريب وكنت باخد معلقة واحدة وبعمله حمام ماء ساخن والبخار بيسيح الزيت وبضيفه على شعري كله وبقلب شعري لقدام وبدلك الشعر بيه شوية، وبستخدم عليه بروكاب حراري أو كيس، وبغسله بالشامبو
ومن اول استخدام لاحظت ان شعري بقي ناعم وطري وجميل وحبيته جدااا ولما اجرب زيت النارجيل الازرق هاقولك تجربتي معاه، وهو مكتوب عليه انه صالح للاكل وده معناه انه طبيعي تمامًا
تجربتي الخامسة مع زيت براشوت الازرق
المنتج اللي هتكلم عنه ده هو زيت جوز الهند براشوت وهو من الزيوت اللي هتغنيكي عن استخدام أي زيوت تانية لانه بيدخل في استخدامات كتير جدًا، وهو رائع جدًا ومن افضل انواع الزيوت واول استخدام ليه انه بستخدم معلقة منه مع عصره ليمونه ومعلقة سكر وبطبقة على وشي وبعمل بيه اسكراب وده احلى ماسك ممكن تجربوه بيزيل الخلايا الميته وبيرطب البشرة
وبستخدمه بديل لكريم الليل على وشي كأنه سيروم وبيرطب البشرة وممكن تضيفي له زيت اللوز الحلو وتستخدميه تحت العين عشان يقضي على الهالات السوداء، وكمان بستخدمه للرموش والحواجب بعلبة ماسكرا قديمة وبيخلي الرموش حلوة جدًا، وبستخدمة كمزيل للمكياج وهو مذهل لانه بيزيل الميكاب حتى المضاد للماء وبيرطب البشرة في الوقت نفسه
وخامس استخدام على الشفايف بديل أي زبدة كاكاو واحسن وقت هو بليل عشان بيخلي لون الشفايف وردي، وممكن تعمليه اسكراب للجسم كمان مع السكر وبيخلي الجلد ناعم ومترطب، وممكن تضفيفه لمعلقة قهوة وتستخدميه على الاماكن اللي فيها استرتش ماركس بيساعد في تخفيفها.
تجربتي السابعة مع زيت براشوت الازرق
زيت باراشوت هو زيت جوز هند نقي وهو زيت سحري بالنسبة لي، ومن اقدم الزيوت المستخدمة بالهند وانتشر في كل انحاء العالم وخاصة البلاد العربية، وبيدخل في استخدامات كثيرة زي الماسكات والشعر وفي الطهي وهو صحي كثير للناس اللي بيحبوا الهليثي فود
واستخدامتي الشخصية للزيت هي اول استخدام للشعر اني بحطه لحاله على الشعر وبعد ساعتين بغسله أو انك تضفيه للحنه او انكم تضيفوه لزيت ثاني وتضعوه على الشعر ولازم زيوت بارده، وراح يكون شعركم ناعم ولامع ويخفف التقصف وكهرباء الشعر، وبيرطب به البشرة ولا يترك أي اثر دهني، ولانه طبيعي جربته مرة في الاكل وكانت طعمته ما مبينه وما بيأثر على طعم الاكل.
فوائد ومميزات زيت جوز الهند براشوت الازرق للشعر
كما ذكرنا في التجارب السابقة أن لزيت براشوت الكثير من الفوائد للبشرة وترطيب اليدين والاظافر والمساعدة على تطويلها بشكل سريع والحماية من الجفاف والجلد الميت، ولكن يتميز زيت براشوت الازرق انه مفيد جدًا للشعر ومن اهم فوائده هي:
- يرطب الشعر ويغذية
- يزيد من نعومة ولمعان الشعر وبيحافظ على صحته ونضارته
- يساعد في تطويل الشعر وزيادة كثافته لانه بيحفز نمو البصيلات
- بيقوى البصيلات لانه بيحتوي على فيتامينات زي فيتامين هـ
- بيزيد تنشيط الدورة الدموية بفروة الرأس
- ينظف فروة الرأس ويزيل القشرة
- بيقلل الهيشان والتقصف والجفاف وبيحمي الشعر من التكسر
- يغلف الشعر بطبقة رقيقة بتحميه من العوامل الخارجية
- بيعالج تلف الشعر وخاصة الناتج عن الحرارة والصبغات والمواد الكيميائية
- بيساعد في تحسين مظهر الشعر المجعد والخشن ويجعله سهل التصفيف.
ملحوظة: يتميز زيت براشوت انه لا يسبب انسداد المسام لانه خفيف على فروة الرأس مما يجعله مناسب لجميع انواع الشعر.
ما الفرق بين زيت براشوت الازرق الاصلي والتقليد؟
شاهدنا في التجارب المذكورة في هذا المقال أن هناك جدل كبير في انواع زيت براشوت الاصلي والتقليد، ولهذا سنقدم كيفية التعرف على النوع الاصلي منه في نقاط محددة وهي:
- يكون زيت جوز الهند الاصلي سميك في الشتاء ويحتاج للحرارة حتى يعود سائل مرة اخرى
- ملمسة ناعم وخفيف على البشرة والشعر
- له رائحة خفيفة وغير نفاذه
- لونه ابيض شفاف
- العبوة مكتوب عليها زيت جوز الهند النقي بالانجليزية
- ان يكون مكتوب على العبوة بلد المنشأ الهند
- مكتوب خلف العبوة أنه صالح للأكل مما يعني أنه طبيعي
ومن الضروري شراء هذا الزيت من الاماكن الموثوقه حتى يمكن التأكد من انه الاصلي بجانب الصفات التي ذكرنها، والتأكد من سعره كذلك.
سعر زيت براشوت الازرق
- مصر: 100 جنيه مصري
- السعودية: 17 ريال سعودي
- الإمارات: 15 درهم إماراتي.
ما هي استخدامات زيت براشوت الازرق؟
هناك الكثير من الاستخدامات لزيت براشوت الازرق ونذكر منها التالي:
للوجه
- يمكن استخدامه لإزالة المكياج حتى المقاوم للماء منه
- ترطيب الوجه بشكل عميق وتغذيته بالفيتامينات والعناصر الموجودة بزيت جوز الهند والمفيدة للبشرة
- يضاف إلى الكثير من الماسكات الطبيعية التي يتم تطبيقها في المنزل
- يستخدم كمقشر ومرطب طبيعي للشفاه
للجسم
يمكن استخدام زيت براشوت الازرق بجوز الهند كمرطب للجسم بشكل عام، واضافته إلى المواد المستخدمة لتقشير الجسم والأقنعة الطبيعية عند عمل الحمام المغربي، أو عمل مساج للجسم به.
كما يمكنك عمل خلطة من زيت جوز الهند وزبدة الشيا واستخدامها كمرطب يومي للقدمين قبل النوم وارتداء جوارب وفي الصباح ستجدين ان بشرتي كالحرير.
للاظافر
لمن تعاني من تكسر الاظافر وضعفها فبالتأكيد زيت براشوت جوز الهند الازرق هو من انسب الزيوت التي يمكنها استخدامها لعمل تدليك للاظافر واطرف الاصابع لأنه يساعد في تقوية الاظافر وحمايتها من التكسر ويساعد على زيادة طولها مع الوقت وتفتيح لونها
وكذلك يساعد في ترطيب الجلد حول الاظافر نفسها مما يحميه من التقشر والجفاف، ويمكن عمل روتين اسبوعي من خلال مزج زيت براشوت مع عصير الليمون وتدليك الاظافر بها وتركها لمدة ساعة وغسلها بعد ذلك.
للطهي
لان زيت جوز الهند براشوت الازرق من الزيوت الطبيعية المعصورة على البارد مما يجعلها من الأنواع التي يمكن استخدامها في الطعام والطهي بكل آمان، ومكتوب على العبوة ايضًا إمكانية الطهي بيه مما يدل على أن هذا الزيت طبيعي 100%.
مقالات مميزة لكي:
